அனிதா வீட்டுக்கெல்லாம் போனாரு.. ஆனா நினைவேந்தலுக்கு அனுமதி மறுப்பா? விஜய்க்கு கிளம்பிய எதிர்ப்பு!

நீட் தேர்வுக்கு எதிராக போராடி உயிரிழந்த மாணவி அனிதாவின் 9-ம் ஆண்டு நினைவேந்தல் நிகழ்ச்சி செப்டம்பர் 1-ம் தேதி சென்னை பெசன்ட் நகர் கடற்கரையில் நடத்த திட்டமிடப்பட்டது. மாணவர் அமைப்புகள் மற்றும் அனிதாவின் சகோதரர் இணைந்து இந்த நிகழ்ச்சிக்கு ஏற்பாடு செய்திருந்தனர்.

ஆனால், நிகழ்ச்சிக்கு போலீசார் கடைசி நேரத்தில் அனுமதி மறுத்ததாக ஏற்பாட்டாளர்கள் குற்றம்சாட்டியுள்ளனர். இதனால் தமிழக அரசுக்கு எதிராகவும், முதல்வர் விஜய்க்கு எதிராகவும் எதிர்ப்புகள் கிளம்பியுள்ளன.

விஜய்க்கு எதிர்ப்பு ஏன்?

அனிதாவின் குடும்பத்தினரை விஜய் ஏற்கனவே சந்தித்து ஆதரவு தெரிவித்திருந்த நிலையில், அவரது நினைவேந்தல் நிகழ்ச்சிக்கே அனுமதி மறுக்கப்பட்டிருப்பது ஏன் என ஏற்பாட்டாளர்கள் கேள்வி எழுப்பியுள்ளனர்.

நீட் தேர்வுக்கு எதிரான போராட்டத்தின் அடையாளமாக அனிதாவின் நினைவு நாள் அனுசரிக்கப்பட உள்ள நிலையில், இந்த நிகழ்ச்சிக்கு அனுமதி மறுக்கப்பட்ட விவகாரம் அரசியல் சர்ச்சையாக மாறியுள்ளது.

ஏற்பாட்டாளர்கள் நிலைப்பாடு

அனைத்து மாணவர் அமைப்புகளையும் ஒன்றிணைத்து நினைவேந்தல் நடத்த திட்டமிட்டதாக ஏற்பாட்டாளர்கள் தெரிவித்துள்ளனர். மேலும், நீட் தேர்வை ரத்து செய்ய வலியுறுத்தி தொடர்ந்து போராட்டங்களை முன்னெடுக்கப் போவதாகவும் கூறியுள்ளனர்.

அனிதாவின் குடும்பத்தினரை சந்தித்து ஆதரவு தெரிவித்த விஜய் அரசு, நினைவேந்தல் நிகழ்ச்சிக்கு ஏன் அனுமதி மறுத்தது? பாதுகாப்பு காரணமா அல்லது அரசியல் காரணமா? என்ற கேள்வி தற்போது எழுந்துள்ளது.