லீமா ரோஸ், உதயநிதி, ஆதவ் அர்ஜுனா, எ.வ.வேலு போன்ற மிகவும் ஏழைகளுக்கா? நடிகை கஸ்தூரி காட்டம்!

தமிழ்நாடு எம்எல்ஏக்கள் அனைவருக்கும் அரசு சார்பில் கார் வழங்கப்படும் என்ற முதல்வர் விஜய்யின் அறிவிப்புக்கு நடிகை கஸ்தூரி கடும் எதிர்ப்பு தெரிவித்துள்ளார். எம்எல்ஏக்களுக்கு கார் மட்டுமின்றி ஓட்டுநர் மற்றும் உதவியாளர் செலவுகளுக்காக வழங்கப்படும் தொகையையும் அவர் விமர்சித்துள்ளார்.

எம்எல்ஏக்களுக்கு கார் அறிவிப்பு

தமிழ்நாடு சட்டப்பேரவையில் முதல்வர் விஜய், அனைத்து எம்எல்ஏக்களுக்கும் அரசு சார்பில் வாகனம் வழங்கப்படும் என்று அறிவித்துள்ளார்.

மேலும், ஓட்டுநர், எரிபொருள் மற்றும் வாகன பராமரிப்புக்காக மாதம் ரூ.75,000 வாகனப்படியாகவும், தொகுதி பணிகளை மேற்கொள்ள உதவியாளரை நியமிக்க ரூ.25,000 உதவியாளர்படியாகவும் வழங்கப்படும் என அறிவிக்கப்பட்டுள்ளது.

கஸ்தூரி காட்டம்

இந்த அறிவிப்பை கடுமையாக விமர்சித்துள்ள நடிகை கஸ்தூரி, மக்கள் செலுத்தும் வரிப்பணம் எம்எல்ஏக்களின் ஆடம்பர வசதிகளுக்காக செலவிடப்பட வேண்டுமா என்று கேள்வி எழுப்பியுள்ளார்.

குறிப்பாக லீமா ரோஸ் மார்ட்டின், உதயநிதி, ஆதவ் அர்ஜுனா, எ.வ.வேலு உள்ளிட்ட பல எம்எல்ஏக்களின் பெயர்களை குறிப்பிட்டு, “மிகவும் ஏழைகளுக்கு ஆடம்பர வசதிகளை செய்து தர மக்கள் பணம் செலவிடப்படுகிறதா?” என கஸ்தூரி விமர்சித்துள்ளார்.

“மக்கள் பணம் வீணாகிறதா?”

எம்எல்ஏக்களுக்கு ஏற்கனவே சம்பளம் மற்றும் பல்வேறு சட்டப்பேரவை சலுகைகள் வழங்கப்படும் நிலையில், கூடுதலாக கார் மற்றும் மாதாந்திர படிகளை வழங்குவது தேவையற்ற செலவு என்று கஸ்தூரி கூறியுள்ளார்.

பொதுமக்களைப் போலவே மக்கள் பிரதிநிதிகளும் பொதுப் போக்குவரத்தை பயன்படுத்தலாம் என்றும் அவர் கருத்து தெரிவித்துள்ளார்.

“5 ஸ்டார் நிர்வாகம் வேண்டாம்”

அரசு நிர்வாகம் பொதுமக்களின் வரிப்பணத்தை சிக்கனமாக பயன்படுத்த வேண்டும் என்று கஸ்தூரி வலியுறுத்தியுள்ளார்.

மக்களுக்கு தேவையான அடிப்படை வசதிகள், நலத்திட்டங்கள் மற்றும் பிற முக்கிய தேவைகளுக்கு நிதி தேவைப்படும் நிலையில், எம்எல்ஏக்களுக்கான கூடுதல் வசதிகளுக்கு அதிக பணம் செலவிடுவது சரியா என்ற கேள்வியையும் அவர் எழுப்பியுள்ளார்.