பரந்தூர் விமான நிலையத்திற்கு தேர்வு செய்யப்பட்ட இடத்தில் சிப்காட்! இப்போ விவசாயம் பாதிக்கப்படாதா?

பரந்தூர் விமான நிலையத் திட்டம் ரத்து செய்யப்பட்ட நிலையில், அதற்காக முன்னர் பரிசீலிக்கப்பட்ட பகுதிக்கு அருகே தற்போது சிப்காட் தொழிற்பூங்கா அமைக்க அரசு நடவடிக்கை எடுத்துள்ளது. இதையடுத்து, விமான நிலையத்தால் விவசாயம் பாதிக்கப்படும் என்று கூறி திட்டம் கைவிடப்பட்ட நிலையில், தொழிற்பூங்கா அமைக்கப்படுவதால் மட்டும் விவசாயம் பாதிக்காதா? என்ற கேள்வி எழுந்துள்ளது.

பரந்தூர் விமான நிலையம் ரத்து

சென்னையின் இரண்டாவது விமான நிலையமாக பரந்தூரில் பசுமைவெளி விமான நிலையம் அமைக்க முந்தைய அரசு திட்டமிட்டிருந்தது. இதற்காக பரந்தூர் மற்றும் ஏகனாபுரம் உள்ளிட்ட பகுதிகளில் நிலம் கையகப்படுத்தும் நடவடிக்கைகள் மேற்கொள்ளப்பட்டன.

ஆனால், விவசாய நிலங்கள், நீர்நிலைகள் மற்றும் வாழ்வாதாரம் பாதிக்கப்படும் எனக் கூறி அப்பகுதி மக்கள் நீண்ட காலமாக போராட்டம் நடத்தினர். இதையடுத்து, முதல்வர் விஜய் தலைமையிலான அரசு பரந்தூர் விமான நிலையத் திட்டத்தை கைவிடுவதாக அறிவித்தது.