தவெகவின் மேற்கு வங்க தலைவராகும் சயோனி கோஷ்? விஜய்யுடன் திடீர் சந்திப்பு.. மம்தாவுக்கு செக் வைக்கிறாரா?

தமிழக முதல்வரும் தவெக தலைவருமான விஜய்யை, திரிணாமுல் காங்கிரஸ் கட்சியைச் சேர்ந்த சயோனி கோஷ் சந்தித்தது அரசியல் வட்டாரத்தில் கவனம் பெற்றுள்ளது. இந்த சந்திப்பைத் தொடர்ந்து, தவெகவை மேற்கு வங்கத்திலும் விரிவுபடுத்த விஜய் திட்டமிடுகிறாரா என்ற கேள்விகள் எழுந்துள்ளன.

விஜய்யை சந்தித்த சயோனி கோஷ்

தமிழகத்திற்கு வந்த சயோனி கோஷ், முதல்வர் விஜய்யை சந்தித்துள்ளார். இந்த சந்திப்பு குறித்து சமூக வலைதளத்தில் பதிவிட்ட அவர், விஜய்யின் அன்பான வரவேற்புக்கு நன்றி தெரிவித்துள்ளார். விஜய்யுடன் எடுத்துக்கொண்ட புகைப்படத்தையும் பகிர்ந்துள்ளார்.

தவெகவில் சயோனி கோஷ்?

சயோனி கோஷ் மேற்கு வங்க அரசியலில் அறிமுகமான முக்கிய முகங்களில் ஒருவராக உள்ளார். குறிப்பாக இளைஞர்கள் மத்தியில் அவருக்கு அரசியல் செல்வாக்கு இருப்பதாக பார்க்கப்படுகிறது.

இதனால், அவரை தவெக பக்கம் கொண்டு வர விஜய் முயற்சி செய்கிறாரா என்றும், எதிர்காலத்தில் மேற்கு வங்கத்தில் தவெகவை களமிறக்க திட்டமிடுகிறாரா என்றும் அரசியல் வட்டாரங்களில் கேள்விகள் எழுந்துள்ளன.

மம்தாவுக்கு எதிராக புதிய அரசியல் கணக்கா?

சயோனி கோஷ் ஏற்கனவே மேற்கு வங்கத்தில் திரிணாமுல் காங்கிரஸ் சார்பில் தீவிர அரசியலில் செயல்பட்டவர். எனவே, அவருடன் விஜய் நடத்திய சந்திப்பு அரசியல் முக்கியத்துவம் பெற்றதாக பார்க்கப்படுகிறது.

ஆனால், சயோனி கோஷ் தவெகவில் இணையப் போகிறார் அல்லது மேற்கு வங்க தவெக தலைவராக நியமிக்கப்படுகிறார் என்பதற்கு இதுவரை அதிகாரப்பூர்வ அறிவிப்பு எதுவும் வெளியாகவில்லை.

விஜய்யின் இந்த சந்திப்பு நட்புரீதியானதா அல்லது எதிர்கால அரசியல் விரிவாக்கத்திற்கான முதல் நகர்வா என்பதுதான் தற்போது எழுந்துள்ள முக்கிய கேள்வியாக உள்ளது.